10 maydan boshlab 10 ming qadam yurganlarga pul to‘lanadi

Butun dunyoda koronavirus pandemiyasining og‘ir kechishi boshqa mamlakatlar kabi O‘zbekistonda ham aholi sog‘lig‘i, jismonan salomatligi, sog‘lom hayot kechirish darajasi past ekanini ko‘rsatib qo‘ydi. Shu munosabat bilan Vazirlar Mahkamasi qaroriga ko‘ra “Sog‘lom turmush tarzi” platformasi ishlab chiqilishi yo‘lga qo‘yildi. Mazkur platforma 10 maydan test rejimida, 1 iyundan boshlab to‘liq ishga tushiriladi.

Mazkur elektron platformaga ulanish orqali o‘z shaxsiy ma’lumotlarini kiritgan shaxs ro‘yxatdan o‘tadi. Bazaga kiritilgan ma’lumotlar asosida:

  • bir sutkada 10 ming va undan ortiq qadam yurgan 18 va undan yuqori yoshdagi fuqaroning platformadagi elektron hamyoniga 3 ming so‘mdan;
  • har oyda eng ko‘p yurgan shaxsga tuman (shahar) kesimida 300 ming so‘mdan, hudud kesimida 500 ming so‘mdan, respublika bo‘yicha 1 million so‘m qo‘shimcha ravishda pul o‘tkaziladi.

Sog‘lom turmush tarzi bilan shug‘ullanuvchi shaxslarga beriladigan ushbu to‘lovlar alkogol va tamaki mahsulotlari ishlab chiqaruvchilariga tatbiq etilgan yig‘imdan olinadi. Xususan, yig‘im mahsulot miqdoriga qarab eng kami 500 so‘mdan bo‘ladi.

Manba: aniq.uz

Fikr bildirish

E-pochta manzilingiz chop etilmaydi. Majburiy ma'lumotlar * bilan belgilangan